nénan nésij: ezaliq musapisi uzirap ketse, yawropa ittipaqi bizge nisbeten menisini yoqitidu
bosniye - gértségowina bixeterlik ministiri nénad nésij, eger döliti 2030 - yilighiche yawropa ittipaqigha eza bolalmisa, yawropa ittipaqining özlirige nisbeten menisini yoqitidighanliqini éytti.
türkiye awazi radiyosi xewiri: nénad nésij paytext sarayéwoda yawropa ittipaqining bosniye - gértségowina wekiller ömiki bashliqi yohan sattlér bilen körüshkendin kéyin, qoshma muxbirlarni kütüwélish yighini ötküzdi.
sattlér bilen tertipsiz köchmenlerge qarshi turush toghrisida paranglashqanliqini bildürgen nésij: «eger biz 2030 - yilighiche yawropa ittipaqigha eza bolalmisaq, yawropa ittipaqi bizge nisbeten menisini yoqitidu. bu barliq emeldarlirimizning éniq uchuri bolushi kérek. ular manga <bu bir jeryan> dewatidu. men buning bir jeryan ikenlikige qoshulimen, emma her bir jeryanning axirlishidighan nuqtisi bar. bizning yawropa ittipaqigha tutishidighan yolimizmu choqum ijabiy axirlishishi kérek» dédi.
nésij bosniye - gértségowinaning tertipsiz köchmenlerge qarita chégrasini qoghdishini we kolléktip bixeterlikning bir qismi bolushini telep qiliwatqan yawropa ittipaqimu bosniye - gértségowinaning ittipaqqa toluq eza bolush arzusinimu chüshinishi kéreklikini otturigha qoydi.
«öz puqralirining hayati bixeterlikini qandaq qoghdashni bilidighanliqlirini, héchkimning xeterge duchar bolushigha yol qoymaydighanliqliri»ni eskertken nésij, sözini dawamlashturup: «bügün biz bu yerde yawropa ittipaqigha yardem bériwatimiz, yawropa ittipaqiningmu ezaliq musapimizdeepirimizde bizge yardem qilishini ümid qilimiz» dégenlerni qeyt qildi.
satlér tertipsiz köchmenlik toghrisida toxtlip: «bu bizning ortaq mejburiyitimiz. elwette, téximu köp yükni üstige éliwatqan yawropa ittipaqigha eza nurghun dölet bar. bu bir ortaq wezipe bolup, biz dawamliq birlikte tirishimiz» dédi.
bosniye - gértségowina 2022 - yili 15 - dékabir «kandidat dölet» salahiyitige érishish arqiliq yawropa ittipaqigha eza bolush musapiside muhim qedem tashlighanidi.
