yawropa ittipaqi tashqi ishlar ministirliri yighini tunji qétim kiyéwda échilidu
yawropa ittipaqi tashqi munasiwetler we xewpsizlik siyasetliri ali wekili josép borrél, yawropa ittipaqigha eza döletler tashqi ishlar ministirlirining kéler qétimliq yighinining tunji qétim ukrainaning paytexti kiyéwda échilidighanliqini uqturdi.
türkiye awazi radiyosi xewiri: josép borrél yawropa ittipaqi döletliri tashqi ishlar ministirlirining 78 – nöwetlik birleshken döletler teshkilati (b d t) omumiy kéngishi yighinigha ishtirak qilish üchün barghan nyuyorkta achqan biresmiy yighinidin kéyin bayanat élan qilip, yawropa ittipaqi we uninggha eza döletlerning b d t omumiy kéngishi yighini dairiside 133 dölet bilen körüshüp, nuqtiliq halda «kilimat özgirishi, sijil tereqqiyat nishani, xelqara pul – muamile sahesi islahati we rusiyening ukrainadiki urushi» qatarliq mesililerni muzakire qilidighanliqini bildürdi.
u yene: «imkanqeder köp b d t ezasining tinchliq formilasini qollishini qolgha keltürüsh üchün, ukraina bilen hemkarlishishni dawamlashturushni xalaymiz. buning üchün barliq ministirlirimiz shérikliri bilen qoyuq alaqini dawamlashturidu» dégenlerni qeyt qildi.
yawropa ittipaqi tashqi ishlar ministirlirining ukrainagha bérilidighan bixeterlik wedilirini muzakire qilghanliqini bildürgen borrél, kelgüsi bir nechche hepte ichide échilidighan tashqi ishlar ministirliri yighinining tunji qétim kiyéwda échilidighanliqini eskertti.
