polsha köchmenlerning her bir yawropa ittipaqi dölitige mejburi teqsim qilinishigha qarshi chiqti
polsha bash ministiri matéus morawichki bu heqte resmiy qarar maqullighanliqini éytti.
türkiye awazi radyosi xewiri: polsha bash ministiri matéus morawichki «mejburiy ittipaqliq méxanizmi» ning teqezzasi boyiche köchmenlerning her bir yawropa ittipaqi dölitige mejburi teqsim qilinishini öz ichige alidighan köchmenler qanunigha qarshi chiqish üchün resmiy qarar élinghanliqini éytti.
morawichki ichki kabinét yighinidin kéyin bu heqte toxtilip, polshaning bu mesilige dair pozitsiyeside dölet bixeterlikining aldinqi orungha qoyulghanliqini tekitlidi.
morawichki «mejburiy ittipaqliq méxanizmi» ning teqezzasi boyiche köchmenlerning her bir yawropa ittipaqi dölitige mejburi teqsim qilinishini öz ichige alidighan köchmenler qanunigha qarshi bu qararning maqullanghanliqini bildürüp, «polsha kabinéti yawropa ittipaqi komitéti we polsha öktichilirige qanunsiz köchmenlerge maqul bolmaydighanliqigha dair küchlük signal bérishni meqset qilip bir resmiy qararni maqullidi. biz bu qarar arqiliq yawropa ittipaqi komitétigha shundaqla barliq siyasiy küchlerge dölitimizde qanunsiz köchmenlerge qetiy yol qoymaydighanliqigha dair éniq signal bermekchimiz» dédi.
