yawropa türkiyege apet yardimi bérishni testiqlashni qarar qildi
yawropa ittipaqining qahramanmarashni merkez qilghan yer tewresh apiti sewebidin türkiyege 400 milyon yawro apet yardimi bérishni testiqlash qarar qilindi.
türkiye awazi radiyosi xewiri: yawropa ittipaqigha eza döletler wekilliridin terkib tapqan yawropa ittipaqi kéngishi, yawropa ittipaqi komitétining türkiye, italiye we ruminiyege 454 milyon 800 ming yawro apet yardimi bérishini testiqlash toghrisida kélishti.
mezkur yardemning 400 milyon yawrosi féwral éyidiki qahramanmarashni merkez qilghan yer tewresh sewebidin türkiyege bérilidu.
yardemning 33 milyon 900 ming yarwosi 2022- yili qurghaqchiliqning zerbisige uchrighan ruminiyege, 20 milyon 900 ming yawrosi bolsa, 2022- yili 9- ayda kelkün apitining zerbisige uchrighan italiyege ewetilidu.
yardemler yawropa ittipaqi xamchotining hemkarlishish we jiddiy yardem üchün ajritilghan qismidin teminlinidu.
iqtisadiy yardemler yawropa parlaménti we yawropa ittipaqi kéngishining axirqi testiqidin kéyin tarqitilidu.
