marakeshte yüz bergen yer tewreshte 2 ming 946 adem qaza qildi
marakeshte yüz bergen 7 bal yer tewreshte 2 ming 946 adem qaza qildi, texminen 50 ming öy – makan pütünley yaki qismen weyran boldi.
türkiye awazi radiyosi xewiri: marakesh xan jemeti sot mehkimisining yazma bayanatigha qarighanda, padishah 6 - muhemmedning riyasetchilikide yer tewreshte qaza qilghanlarning panahlinish éhtiyajini qandurush we ulargha zörür yardemlerni yetküzüsh üchün jiddiy yighin chaqirilghan.
bayanatta tekitlinishiche, yer tewresh apitide éghir talapetke uchrighan 5 rayonda texminen 50 ming öy – makan pütünley yaki qismen weyran bolghan.
marakesh hökümiti yer tewreshte éghir talapetke uchrighan aililerge 30 ming dirhem (texminen 3000 dollar), pütünley weyran bolghan öy – makanlar üchün 140 ming dirhem (texminen 14 ming dollar) qimmitide biwasite iqtisadiy yardem bérliidighanliqini uqturghan.
marakesh 9-ayning 8-küni, shu jay waqti saet 23.10 de marakesh shehirining elxuz rayonida 7 bal yer tewrigenidi.
yer tewresh apitide marakesh shehiridin bashqa, paytext rabat, kazablanka, meknes, agadir we fes sheherlirimu éghir talapetke uchrighanidi.
marakesh ichki ishlar wizariti eng yéngi sanliq melumatlargha qarighanda, yer tewresh apitide 2 ming 946 ademning qaza qilghanliqini, 5 ming 674 ademning yarilanghanliqini uqturghanidi.
