yawropa ittipaqi rusiyediki shexs we organlargha yürgüzüwatqan jazalirining mudditini uzartti
yawropa ittipaqi rusiyediki shexs we organlargha yürgüzüwatqan jazalirining mudditini alte ay uzartishni qarar qildi.
türkiye awazi radiyosi xewiri: yawropa ittipaqi kéngishi bayanat élan qilip, ukrainaning zémin pütünlüki we igilik hoquqigha tehdit salghuchilargha zerbe bérishni nishan qilghan yekke yönilishlik cheklesh tedbirlirining mudditini yene alte ay uzartishning qarar qilinghanliqini uqturdi.
texminen 1800 shexs we organgha yürgüzülüwatqan sayahet cheklimisi, mal - mülükni tonglitish, fond yaki iqtisadiy bayliqni yötkesh cheklimisi qatarliqlarni mezmun qilghan jazaning mudditining 2024- yili 15- martqiche uzartilghanliqigha isharet qilinghan bayanatta, bu jazalarning köpinchisining ukrainadiki urush sewebidin yürgüzülgenliki eskertip ötüldi.
bayanatta, muhakime qilish netijiside töt ademni jaza tizimlikidin chiqiriwétishning qarar qilinghanliqi otturigha qoyuldi.
rusiye 2022- yili 2- ayning 24- küni ukrainagha hujum qozghighandin kéyin, mezkur shexs we teshkilatlarning köpinchisi jaza tizimlikige kirgüzülgenidi.
yawropa ittipaqi hazirgha qeder ukrainadiki urush sewebidin rusiyege qarita 11 jaza pilanini yolgha qoydi.
bu arqa körünüshte, rusiyege soda, pul- muamile, énérgiye, sanaet, téxnika, qatnash, néfit we kömür, altun qatarliq nurghun sahelerde cheklimiler qoyuldi.
مۇناسىۋەتلىك خەۋەرلەر
