liwiyening derne shehiride kelkün apitide ölgenler sani 6 mingdin éship ketti
liwiyening sherqidiki derne shehiride kelkün apitide qaza qilghanlarning sani 6 mingdin éship ketti, minglighan kishi yoqap ketti.
türkiye awazi radiyosi xewiri: liwiye resmiy xewer agéntliqi «LANA» ning xewirige qarighanda, 10-séntebir küni yüz bergen kelkün apitide peqet derne shehiride qaza qilghanlarning sanila 6 mingdin éship ketken.
aqdéngizgha tesir körsetken we 10-séntebir küni liwiyening sherqige éghit talapet yetküzgen «daniyal» namliq boran - chapqun binghazi, beyza, merj, suse we derne sheherliride kelkün apitini keltürüp chiqarghanidi.
liwiye milliy birlik hökümitining bash ministiri abdulhemid dibeybe kelkün apiti sewebidin pütün memlikette 3 künlük matem élan qilghan, liwiye pirézidént kéngishimu qérindash döletler we xelqaraliq teshkilatlarni kelkün apitide talapetke uchrighan rayonlargha yardem bérishke chaqirghanidi.
xelqara qizil kirést jemiyiti liwiyediki kelkün apitide yoqap ketkenler sanining 10 minggha yetkenlikini uqturghanidi.
igilinishiche, liwiyening sherqiy rayonliridiki höl-yéghin miqdari «40 yildin buyanqi eng yuqiri sewiye» ge yetken.
