dunya jamaetchiliki qarabaghda ötküzülgen atalmish «pirézidint saylimi»gha naraziliq bildürdi

türkiye awazi radiyosi xewiri: amérika tashqi ishlar ministirliqi bayanatchisi matéw millér muxbirlarni kütüwélish yighinida soallargha jawab berdi.

amérika qoshma ishtatlirining erméniye bilen ezerbeyjanning saqliniwatqan mesililerni diyalog arqiliq hel qilishini dawamliq qollaydighanliqini bildürgen millér, tereplerni yene  bir qétim lachin karidori bilen aghdam yolini échishqa chaqirdi.

u sözini dawamlashturup: «biz ilgirimu éytqinimizdek, biz qarabagh rayonini musteqil we igilik hoquqluq bir dölet dep étirap qilmaymiz. shunga, atalmish ​​pirézidént saylimi netijisinimu étirap qilmaymiz» dégenlerni qeyt qildi.

giruziye tashqi ishlar ministirliqimu ezerbeyjangha qarashliq qarabagh rayonining erméniye qisimlirining kontrolluqidiki jaylirida ötküzülgen atalmish ​​«pirézidént saylimi»ni étirap qilmaydighanliqini uqturdi.

ministirliqning bu heqtiki yazma bayanatida, giruziyening ezerbeyjanning zémin pütünlüki we igilik hoquqini qollaydighanliqi otturigha qoyuldi.

özbékistan tashqi ishlar ministirliqimu ezerbeyjangha qarashliq qarabagh rayonining erméniye qisimlirining kontrolluqidiki jaylirida ötküzülgen atalmish ​​«pirézidént saylimi»ni étirap qilmaydighanliqini uqturdi.

özbéksitan tashqi ishlar ministirliqining bu heqtiki yazma bayanatida, özbéksitanning ezerbeyjanning zémin pütünlüki we igilik hoquqini küchlük shekilde qollaydighanliqi tekitlendi.

qarabaghda qanunsiz turuwatqan erméniye küchliri 9- séntebir öz kontrolluqidiki jaylarda atalmish ​​«pirézidént saylimi» ötküzgenidi.

ezerbeyjan hökümiti bolsa, qarabaghdiki erméniye küchlirining öz kontrolluqidiki yerlerde ötküzgen atalmish ​​saylamni eyiblep, uninggha «döletning igilik hoquqi we zémin pütünlikige qilinghan hujum xaraktérlik qilmish» dep baha bergenidi.