liwiye bash ministiri qatar emiri bilen körüshti
liwiye bash ministiri abdulhemid dibeybe dohada qatar emiri sheyx temim bin hemed al tani bilen körüshti.
türkiye awazi radyosi xewiri: liwiye hökümitining resmiy ijtimaiy alaqe adrésida, qatarning paytexti dohada ötküzülgen uchrishishqa alaqidar yazma bayanat élan qildi.
bayanatta, «bash ministir dibeybe bilen qatar emiri sheyx temimning uchrishishida, éléktir, quyash énérgiyesi, ul - eslihe, qatnash we tenterbiye qatarliq nurghun saheler boyiche ortaqliq we hemkarliq mesililiri muzakire qilindi» déyildi.
uchrishishita özara munasiwet, rayon xaraktérliq we xelqaraliq siyasiy weziyettin bashqa yene, ortaq menpeet mesililirige munasiwetlik maslashturushning muhimliqining muzakire qilinghanliqi bildürüldi.
bayanatta her ikki terepning sudandiki toqunushni tügitish shundaqla ittipaqliq we muqimliqni qoghdash tirishchanliqini qollashning zörüriyitini tekitligenliki uqturuldi.