marakeshtiki yer tewreshte hayatidin ayrilghanlarning sani 2 ming 12 ge yetti
marakeshtiki yer tewresh merkizi bolghan marakesh shehirige qarashliq el-xuz rayonida yüz bergen 7 bal yer tewreshte hayatidin ayrilghanlarning sani 2 ming 12 ge yetti.
türkiye awazi radyosi xewiri: ichki ishlar ministirliqining yazma bayanatida, yer tewreshte qaza qilghanlar sanining 2 ming 12 ge, yarilanghanlar sanining 2 ming gha yetkenliki, buning ichide 1404 kishining ehwalining éghir ikenliki bildürüldi.
marakesh padishahi 6 - muhemmed tünügün élan qilghan bayanatida, nurghun kishilerning jénigha zamin bolghan yer tewresh sewebidin dölette 3 künlük matem élan qilghan idi.
qaza qilghanlarning el-xuz rayoni , tarudant, shishawa, werzazat, marakesh, azila, aghadir, kasablanka we yusifiyye rayonida ruyxetke élinghanliqi uqturuldi.
marakesh qoralliq qisimliri, yerlik hökümetler, bixeterlik qisimliri we xelq mudapie etretliri izdesh - qutquzush xizmetlirini dawamlashturmaqta.
yer tewresh rayonlirigha insanperwerlik yardimi yetküzüsh üchün barliq wasitilerning seperwer qilinghanliqi bildürüldi.
marakesh taratquliri aldinqi küni shu yerning waqti 23:10 de yüz bergen yer tewreshning paytext rabatta shundaqla kasablanka, méknés, aghadir we fés sheherliride körülgenlikini xewer qilghan idi.