marakeshte yüz bergen yer tewreshte ölgenler sani 1037 ge yetti
marakeshte yüz bergen 7 bal chongluqtiki yer tewreshte hayatidin ayrilghanlarning sani 1037 ge yetti.
türkiye awazi radiyosi xewiri: marakesh döletlik géyofizika institutining bildürüshiche, marakeshning shimalidiki elhuz rayonida 7 bal chongluqta, 8 kilométir chongqurluqta yer tewrigen.
marakesh ichki ishlar ministirliqi teripidin bu heqte élan qilinghan bayanatta bildürülüshiche, marakeshning nurghun sheherlirige tesir körsetken yer tewreshte, marakesh, azilal, aghadir we chichao sheherliride 1037 kishi qaza qilghan.
dölitimiz (türkiye jumhuriyiti) jumhur reisi rejep tayyip erdoghan marakeshte yüz bergen yer tewresh apitidin kéyin talapetke uchrighanlargha teziye bildürdi.
jumhur reis erdoghan ammiwi ortaqlishish tor bétidiki sehipiside élan qilghan teziye bayanatida, mundaq dédi: «dost we qérindash dölet marakeshte yüz bergen yer tewresh apitide talapetke uchrighan barliq marakesh xelqige teziye bildürimen. yer tewresh apitide hayatidin ayrilghanlargha allah taaladin rehmet, yarilanghanlargha shipaliq tileymen. bu musheqqetlik künlerde pütün küchimiz bilen marakeshliq qérindashlirimizgha yar - yölek bolimiz.»