wénitsiye sheherlik hökümiti sheherge kirgenlerdin künlük kirish heqqi aldighan boldi
italiyede, wénitsiye sheherlik hökümiti 2024-yili sheherge kiridighan sayahetchilerdin künlük kirish heqqi élishqa teyyarliq qilmaqta.
türkiye awazi radyosi xewiri: wénitsiye sheherlik hökümitining yazma bayanatigha asaslanghanda, sheherlik hökümet sheherdiki sayahetchiler zichliqining aldini élish üchün 2024-yili sayahetchilerning sani eng köp bolidighan künlerde sayahetchilerdin sheherge kirish heqqi alidighan boldi. bu sinaq yil boyi 30 qétim ayrim ayrim künlerde yolgha qoyilidighan bolup, sheherge kirish heqqi 5 yawro bolidu.
sheher ahaliliri, ishchilar, oqughuchilar, 14 yashtin töwen balilar we tenterbiye paaliyetlirige qatnishidighanlar heq töleshtin kechürüm qilinidu.
sheherlik hökümet teripidin sheherlik hökümet kéngishigha yollanghan bu qarar 9-ayning 12-küni testiqlinip muzakire qilinidu.
wénitsiye sheher bashliqi luyigi brugnaro yéngi belgilimining sheherni taqighanliq bolmaydighanliqini, emma melum mezgillerde sayahet zichliqini tengshesh kéreklikini tekitlidi.
wénitsiyede aldinqi yillarda mushuninggha oxshash belgilimiler küntertipke kelgen bolsimu, oxshimighan sewebler tüpeylidin ijra qilinmighan idi.
wénitsiye östeng üstige qurulghan tarixiy ehmiyetke ige qurulmisi bilen her yili milyonlighan sayahetchilerni kütüwalmaqta.
مۇناسىۋەتلىك خەۋەرلەر
