amérika: pyongyang rusiyeni qoral bilen teminlise, bedilini töleydu
amérika dölet bixeterlik meslihetchisi jéyk sulliwan shimaliy koréye rusiyeni qoral bilen teminlise, uning «bedilini töleydighanliqi»ni éytip agahlandurdi.
türkiye awazi radiyosi xewiri: sulliwan muxbirlarni kütüwélish yighini ötküzüp, shimaliy koréye bilen rusiyening yéqindin buyanqi küchiyiwatqan alaqisi toghrisida toxtaldi.
u pyongyang moskwani ukraina urushida ishlitidighan qorallar bilen teminligen teqdirde qandaq ehwallarning yüz béridighanliqi toghrisida toxtilip: «men shundaq déyeleymenki, qish peslige kiriwatqan bir peytte, ashliq ambarliri we chong sheherlerning issitish ul eslihelirige hujum qilip, bashqa bir döletning igilik hoquq sahesini qolgha kirgüzüwélishqa urunush urushida rusiyeni qoral bilen teminlesh, shimaliy koréyege selbiy tesir élip kélidu we xelqara jemiyette buning bedilini töleydu» dédi.
shimaliy koréyeni rusiyeni qoral - yaragh bilen teminlimeslik toghrisida «agahlandurghanliqliri»ni bildürgen sulliwan, piyongyang hökümitini qoral - yaragh sétish qedemliridin yaltaytish üchün, pursetlerdin paydilinishni dawamlashturidighanliqlirini qeyt qildi.
«nyuyork waqit géziti»ning amérika emeldarlirini neqil keltürüp xewer qilishiche, shimaliy koréye rehbiri kim jongun bu ayda rusiyeni ziyaret qilip, rusiye pirézidénti wiladimir putin bilen «ukrainadiki urushta moskwani téximu köp qoral bilen teminlesh we oxshimighan sahelerdiki herbiy hemkarliq pursetlirini muzakire qilidighanliqi» ilgiri sürülgenidi.
مۇناسىۋەتلىك خەۋەرلەر
