ئىسرائىلىيە ئەسكەرلىرى بىر پەلەستىنلىكنى ئۆلتۈردى

تۈركىيە ئاۋازى رادىيوسى خەۋىرى: رايوندىكى سابىت سابىت دوختۇرخانىسىنىڭ بىر مەسئۇلىنىڭ بىلدۈرۈشىچە، ئىسرائىلىيە ئەسكەرلىرىنىڭ نۇر شەمس مۇساپىرلار لاگېرىدا پەلەستىنلىكلەرگە ئوق چىقىرىشى نەتىجىسىدە يارىلانغان پەلەستىنلىك ھاياتىدىن ئايرىلغان.

شاھىتلارنىڭ بىلدۈرۈشىچە، مۇساپىرلار لاگېرىغا بېسىپ كىرگەن ئىسرائىلىيە ئەسكەرلىرى بىلەن پەلەستىنلىكلەر ئوتتۇرىسىدا توقۇنۇش يۈز بەرگەن.

ئىسرائىلىيە ئەسكەرلىرى قۇرۇلۇش ماشىنىلىرى بىلەن يوللارنى كولاپ، يول ياقىسىدىكى پەلەستىنلىلەرنىڭ ئاپتوموبىللىرىغا زىيان يەتكۈزگەن.

ئىگىلىنىشىچە، ئىسرائىلىيە دائىرىلىرى بۇ ھەقتە تېخىچە ھېچقانداق بايانات ئېلان قىلمىغان.