sérgéy shoygu ukrainaning qayturma hujumlirining nishanigha yételmigenlikini éytti

türkiye awazi radyosi xewiri: rusiye dölet mudapie ministirliqining bayanatigha asaslanghanda, shoygu rusiye armiyesining yuqiri derijilik qomandanliri bilen sinalghu yighini chaqirghan.

shoygu ukrainadiki urushta rusiye armiyesining pütkül liniye boyiche aktip ikenlikini bildürüp, «ukraina hökümiti ghayet zor ziyangha qarimay, üch aydin biri qayturma hujum qilishqa urunmaqta. ukraina armiyesi héchbir yönilishte nishanigha yételmidi. ukraina hökümiti amalsiz hujumda gherbtin téximu köp herbiy we iqtisadiy yardemge érishish üchün herbiy heriketliride azraq bolsimu utuqqa érishkenlikini körsitishke tirishmaqta. bu ishmu toqunushni uzartmaqta» dédi.

ministir shoygu ukrainaning tartqan ziyanliri terepke hemmining diqqitni tartip yene mundaq dédi:

«atalmish ​​hujum bashlanghandin buyan, düshmen 66 ming esker, 7600 qoraldin ayrilip qaldi. ukraina qoralliq küchliri qayturma hujumning meghlubiyitini yoshurushqa urunup, puqrawiy nishanlargha hujum qilmaqta we buni herbiy ghelibe dep körsetmekte. aldinqi aydila (ukraina) gha tewe  159 dane <HIMARS> bashqurulidighan bomba, 1000 din artuq uchquchisiz ayropilan we 13 chong tiptiki bashqurulidighan bomba étip chüshürüldi»