méksikadiki toqunushta qoralliq töt kishi öltürüldi
méksikaning amérika chégrasigha yéqin matamoros shehiride yüz bergen toqunushta, qoralliq töt kishi déngiz armiyesi teripidin ujuqturuldi.
türkiye awazi radyosi xewiri: tamawlipas xewerlishish ishxanisining bayanatida, déngiz armiyesining bir tutqun qilish weqesini tekshürüsh herikiti jeryanida toqunush yüz bergenliki bildürüldi.
toqunushta qoralliq ikenliki ilgiri sürülgen töt kishining öltürülgenliki we dairilerning ulardin qoral we simsiz alaqe apiratlirini qolgha chüshürgenliki uqturuldi.
méksika déngiz armiyesining bayanatida töt neper déngiz armiyesi xadiminng toqunushqa qatnashqanliqi jezmleshtürüldi, emma weqe heqqide tepsiliy uchur bérilmidi.
amérikaning matamorosta turushluq konsulxanisining bayanatida, konsulxana xadimlirining «sheherdiki qoralliq zorawanliq sewebidin» shu yerning waqti chüshtin kéyin saet 1:30 ghiche qoghdinish jaylidin sirtqa chiqmasliqi kérekliki heqqide agahlandurush bérilgenliki uqturuldi.
tamalipas we matamoros ölkiliride etkeschilerdin bashqa yene, teshkillik jinayet guruppiliriningmu intayin aktip ikenliki xewer qilinmaqta.
