burkina faso bilen mali nigér herbiy hakimiyitini qollimaqta

türkiye awazi radiyosi xewiri: burkina faso dölet mudapie ministirliqi bayanat élan qilip, ministirlar kéngishide gherbiy afriqa döletliri iqtisadiy birleshmisi (ECOWAS) ning herbiy heriket qozghash éhtimaligha qarshi nigér herbiy hakimiyitini qollap esker ewetish layihesini qobul qilghanliqini bildürdi.

bayanatta, layihening resmiy küchke ige bolushi üchün parlaméntning testiqlishi kérekliki eskertildi.

ngérdiki herbiy özgirishke shiddet bilen qarshi chiqqan gherbiy afriqa döletliri iqtisadiy birleshmisi, deslepte nigérda asasiy qanungha tayanghan jemiyet tertipi qaytidin ornitilmighan ehwalda herbiy jehettin arilishidighanliqini élan qilghan qildi.

gherbiy afriqa döletliri iqtisadiy birleshmisi armiye ishtabi bashliqlirining  17-awghust (2023) ganada chaqirilghan yighinida, nigérgha esker ewetish waqtining békitilgenliki uqturulghan idi. emma, éniq waqti toghrisida melumat bérilmigen idi.

herbiy hökümet hakimiyet béshida turuwatqan burkina faso bilen mali ortaq bayanat élan qilip, gherbiy afriqa döletliri iqtisadiy birleshmisining nigérdiki herbiy özgirishning yönilishini özgertish üchün pilanlighan herbiy heriketke qarshi chiqip, nigér herbiy hakimiyitini qollighan idi.

bayanatta, nigérgha qarshi élip bérilghan her qandaq herbiy heriket, burkina faso bilen maligha qarshi urush qozghash bolidighanliqi toghrisida agahlandurulghan idi.

ikki dölet herbiy heriket éhtimaligha qarshi nigérgha «derijidin tashqiri tukano» (SuperTucano) tipliq urush ayropilani ewetken idi.

nigér herbiy hökümitimu özige qarshi herbiy heriket bashlanghan ehwalda burkina faso bilen maligha chégradin kirishke ruxset qilghan idi.