ukrainada ikki tik uchar chüshüp kétip alte uchquchi qaza qildi
ukrainaning donétsik rayonida, ukraina armiyesige tewe ikki «Mi-8» tipliq tik uchar ayropilani chüshüp kétish netijiside, alte uchquchi jénidin ayrildi.
türkiye awazi radiyosi xewiri: ukraina armiyesi sherqiy qisimlar guruppisining axbarat mulazimet bölümi bashliqi ilya yéwlash ukraina döletlik axbarat agéntliqigha (UNN) gha bergen bayanatida, donétsik rayonigha qarashliq kramatérsk shehiride ukrainagha tewe ikki tik ucharning hadisige yoluqqanliqini bildürdi.
yéwlash tik uchar ayropilanlirining urush wezipisini ijra qiliwatqanda chüshüp ketkenlikini eskertip: «ular kramatérsk rayonida urush wezipisini ijra qiliwatqanda, düshmenning <Su-35> tipliq ayropilani uchqan bolup, düshmen ayropilanining hujumigha uchrimasliqi üchün qonushqa mejbur bolghan. shu cheryanda néme bolghanliqi komitét teripidin tekshürülmekte. bashqurulidighan bomba tegdimu yaki bashqa bir xatamu? zadi néme ish bolghanliqi we sewebliri tekshürülmekte» dédi.
yéwlash bu hadiside alte uchquchining jénidin ayrilghanliqini uqturdi.
yerlik taratqularning xewiride, weqening 29-awghust (2023) ta yüz bergenliki bildürüldi.
