ispaniyede 2.2 kilogiramliq bir parche pishlaq 30 ming yawrogha sétildi
ispaniye eng qimmet pishlaqta, dunya rékortini buzup tashlidi.
türkiye awazi radiyosi xewiri: shimaliy ispaniyening kabralés kök pishliqining 2.2 kilogiramliq bir parchisi kim artuq qilip sétishta 30 ming yawrogha sétildi.
shundaq qilip, «dunya boyiche eng qimmet pishlaq» dégen unwangha érishti.
bu pishlaqni yasighan gilérmo pendasning anisi roza wada 1400 métir égizliktiki bir öngkürde pishlaqning 7 sélsiye gradusluq issiqliqta pishqanliqini we bu yerde kem dégende sekkiz ay turghanliqini éytti.
bu pishlaq asturiastiki «éllagar de kolloto» ning xojayini réstoranchi iwan suarézgha sétildi.
kabralés kök pishliqining normal kilosining bahasi 35 yawrodin 40 yawroghiche tépilidu.
bu pishlaq xam kala süti yaki kala, qoy we öchke sütining arilashmisidin yasilidu. pikos dé yawropa dölet baghchisigha tewe kabralés rayonidiki öngkürlerde pishurulidu.
iwan suaréz sétiwalghan pishlaqning aldinqi nöwetlik jinnés dunya rékortigha érishken bahasi 2019-yili 20 ming 500 yawro bolghan idi.
