rusiye b d t qarar layihesini wéto qildi
rusiye birleshken döletler teshkilatining maligha qaritilghan émbargoning mudditini yene bir yil uzartish nishan qilinghan qarar layihesini ret qildi.
türkiye awazi radiyosi xewiri: birleshken döletler teshkilati xewpsizlik kéngishide maligha qaritilghan émbargo we mutexessisler guruppisi hoquqining mudditini uzartish toghrisidiki qarar layihesi awazgha qoyuldi.
firansiye bilen ereb birleshme xelipiliki teripidin sunulghan qarar layihesi maligha qarita mal-mülüklerni tonglitip qoyush we sayahet cheklimisidin teshkil tapqan émbargolarning mudditini 2024-yili 31-awghustqiche, mutexessisler guruppisi hoquqining mudditini bolsa 2023 - yili 30-séntebirgiche uzartish nishan qilinatti.
birleshken döletler teshkilati xewpsizlik kéngishining daimiy ezaliridin rusiye bu qarar layihesini wéto qildi.
rusiyening birleshken döletler teshkilatida turushluq daimiy wekili wassiliy nébénziya bu qarar layiheside mali we rusiyening «endisheliri» ning nezerdin saqit qilinghanliqini ilgiri sürdi.
mali diplomatiye ministiri abdulayé diop birleshken döletler teshkilati xewpsizlik kéngishining 16-iyun küni chaqirilghan yighinida, b d t mali köp tereplimilik bir gewdileshtürüsh - muqimlashturush etritining malidin derhal chiqip kétishini telep qilghanidi.
birleshken döletler teshkilati xewpsizlik kéngishi 2017 - yili maligha émbargo yürgüzüshke bashlighanidi.
