nigérdiki herbiy özgirishning keynide xitay bilen rusiye barmu?

türkiye awazi radiyosi xewiri: nigérda xitay, rusiye we shimaliy koréye bayriqini kötürüwalghan kishiler, firansiye eskerlirining chiqip kétishini telep qilip namayish qildi.

yerlik menbelerdin élinghan melumatlargha asaslanghanda, namayishchilar firansiyening niyaméy bash elchisi slywanitning «101 niyaméy» dep atilidighan firansiye herbiy bazisida panahliniwatqanliqi sewebidin 05.30 din tartip baza etrapida saqlap turmaqta iken.

nigér bayriqidin bashqa, rusiye, shimaliy koréye we xitay bayraqlirini lepildetken namayishchilar, «firansiyege lenet bolsun» we «firansye eskerlirini xalimaymiz» dégen lozunkilarni achti.

nigér tashqi ishlar ministirliqi bash elchi slywanitning 25-awghustta chégradin chiqip kétishi üchün 48 saet möhlet bergen idi.

bash elchi slywanitqa bérilgen möhlet, shu yer waqti 19.00 da toshqan bir waqitta, firansiye elchixanisi aldida yolgha qoyulghan bixeterlik tedbirliri diqqet qozghidi.

nigér herbiy hökümiti bash elchi slywanit dölettin chiqip ketmigen ehwalda, firansiye elchixanisi we firansiye herbiy bazisini éléktr, yémek-ichmek we yéqilghu bilen teminleshni toxtitidighanliqini élan qildi.

firansiyening nigérda texminen 1500 eskiri we xelqaraliq diyori xamani ayrodurumi etrapida bir herbiy bazisi bar.

nigérda 26-iyul hakimiyetni tartiwalghan herbiy hökümet, firansiye bilen imzalanghan besh dane herbiy hemkarliq kélishimining emeldin qaldurulghanliqini élan qilghan idi.