rusiyede ayropilan chüshüp kétish weqeside wagnér rehbiri pirigojin öldi
rusiyening twér rayonida xususiy bir ayropilan chüshüp kétip, wagnér rehbiri yéwgéni prigojin qatarliq 10 kishi jénidin ayrildi.
türkiye awazi radiyosi xewiri: rusiye jiddiy ehwallargha taqabil turush ministirliqi teripidin bu heqte élan qilinghan bayanatta, twér rayonida «Embraer Legacy» tipliq xususiy bir ayropilanning chüshüp ketkenliki eskertilip mundaq déyildi: «mezkur ayropilanda 10 adem bar bolup, ularning üchi ayropilan xadimi idi. deslepki melumatlargha qarighanda, weqede ayropilandiki kishilerning hemmisi jénidin ayrilghan.»
rusiye xewer agéntliqi «TASS» ning xewirige qarighanda, twér rayonida xususiy ayropilan chüshüp kétish weqeside jénidin ayrilghanlar arisida wagnérning qurghuchisi yéwgéniy prigojinmu bar iken.
rusiye fédératsiye awiyatsiye tiransiport idarisi bu xewerni delillep, ayropilan weqeside wagnérning qurghuchisi yéwgéniy prigojinning jénidin ayrilghanliqini bildürdi.
wagnérgha yéqin bezi ammiwi ortaqlishish tor béti Telegram sehipiliride, prigojin olturghan xususiy ayropilanning rusiye armiyesige ait mudapie sistémiliri teripidin étip chüshürüwétilgenliki ilgiri sürüldi.
pirigojin yallanma eskerliri bilen birlikte 24-iyun küni rusiye hökümitige qarshi qoralliq isyan qozghighanidi. isyan bélarusiye pirézidénti aléksandir lukashénkoning arilishishi bilen axirlashqanidi.
