rusiye ukrainadiki nishanlargha zerbe bermekte iken
rusiye dölet mudapie ministirliqi ukrainadiki herbiy qarar chiqirish merkizige zerbe bergenliklirini élan qildi.
türkiye awazi radiyosi xewiri: dölet mudapie ministirliqining bayanatchisi igor konashénkow paytext moskwada 23-awghust (2023) rusiye armiyesining ukrainadiki herbiy heriketliri toghrisida bayanat élan qildi.
u ukrainadiki bezi nishanlargha zerbe bériwatqanliqlirini bildürüp: «bügün kechte, rusiye qoralliq qisimliri hawadin qoyup bérilgen yiraq musapiliq yuqiri éniqliqtiki bashqurulidighan bomba bilen ukrainadiki herbiy qarar chiqirish merkizige zerbe berdi. hujum meqsitige yetti» dédi.
u shu küni ukraina armiyesining zaporizhya we donétsktiki hujumlirining muweppeqiyetke érishelmigenlikini, bügüngiche ukraina armiyesining 462 ayropilani, 246 tik uchari, 6012 dane uchqusi, 433 dane hawa qalqan sistémisi, 11 ming 476 tanka we bironiwéki, 1144 rakéta atar, 6 ming 24 yiraq musapiliq zembiriki we minamiyoti, 12 ming 408 dane herbiy aptomobilining pachaqlap tashlanghanliqini bildürdi.