xitayda bir emeldar amérikagha jasusluq qilish jinayiti bilen qolgha élindi
xitayda bir ministirliq emeldarining amérika merkiziy axbarat idarisi (CIA) gha jasusluq qilish gumani bilen qolgha élinghanghanliqi bildürüldi.
türkiye awazi radyosi xewiri: xitayning istixbaratqa mesul dölet bixeterlik ministirliqining ijtimaiy alaqe adrésida élan qilinghan bayanatida, familisi «xaw» ikenliki uqturulghan 39 yashliq bu emeldarning yaponiyede uquwatqan chéghidila amérika merkizi axbarat idarisi teripidin «xizmetke qobul qilinghanliqi» ilgiri sürüldi.
bayanatta, uning qaysi ministirliqta ishleydighanliqi heqqide melumat bérilmidi. uning jasusluq paaliyietliri bayqalghandin kéyin qolgha élinghanliqi we üstidiki tekshürüshlerning dawamlishiwatqanliqi bildürüldi.
bayanatta, xawning yaponiyede oquwatqan chéghida wizagha iltimas qilish üchün tokyodiki amérika elchixanisigha barghanda «ted» isimlik bir amérikaliq ofitsér bilen tonushqanliqi we amérikaliq emeldarning tamaqqa teklip qilish, hediye bérish arqiliq xaw bilen yéqin munasiwet ornatqanliqi shundaqla uninggha pul bérip maqale yézishini telep qilghanliqi eskertildi.
bayanatta, tedning kéyin xawni xizmetdishi «li chün» isimlik tégi xitay bir kespdishigha tonushturghanliqi, andin ikkisi birlikte xizmet qilghanliqi, xawning yaponiyediki uqushi tügesh aldida bolsa, lichünning amérika merkiziy axbarat idarisining tokyo bashqarmisida ishleydighanliqini étirap qilip, xawgha jasusuluqni tewsiye qilghanliqi we xitayning muhim organlirida ishleshke ilhamlandurghanliqi ilgiri sürüldi.
bayanatta yene, xawning bu teklipni qobul qilip amérika bilen «jasusluq toxtamnamisi imzalighanliqi», tekshürüsh we émtihanlardin ötüshke maqul bolghanliqi, xitaygha qaytqinida ismi ashkarilanmighan mezkur ministirliqta ishleshke bashlighanliqi, amérikagha uchur yetküzüsh üchün amérika merkiziy axbarat idarisining xadimliri bilen köp qétim körüshüp, jasusluq ish heqqi alghanliqi tekitlendi.
