amérika nigérda muhim dölet menpeetlirining barliqini bildürdi

türkiye awazi radiyosi xewiri: amérika dölet mudapie ministirliqi (péntagon) bayanatchisi sabrina singi nigérning amérika üchün halqiliq shérik ikenlikini we u yerdiki herbiy bazilargha nechche yüz milyon dollar meblegh salghanliqini bildürdi.

u: «biz nigérdiki weziyetning herbiy arilishish bilen axirlishishini xalimaymiz» dédi.

u muxbirlarni kütüwélish yighinida, amérikaning nigérda yüz bériwatqan weziyetni dawamliq közitiwatqanliqini we bu dölette herbiy özgirish qozghashqa urunush déyishke intayin yéqinlashqanliqini éytti.

u amérika tashqi ishlar ministirliqi, dölet mudapie ministirliqi we hökümetning munasiwetlik organlirining mesilini tinch yol bilen hel qilishqa tirishiwatqanliqini eskertip: «nigér biz üchün rayondiki intayin halqiliq shérik, shunga biz mesilini diplomatik usulda hel qilishni ümid qilimiz» dédi.

u amérikaning rayonda mal-mülki we menpeeti barliqini, özining menpeetlirini we ittipaqdashlarning menpeetini qoghdashqa aldin ehmiyet béridighanliqini tekitlidi.

u amérikaning nigérdiki herbiy bazilargha nechche yüz milyon dollar meblegh salghanliqini tekitlep, özlirining bu dölette tinch hel qilish charisini körüshni xalaydighanliqlirini we uni emelge ashurushini ümid qilidighanliqlirini eskertti.

amérika tashqi ishlar ministirliqining muawin bayanatchisi wédant patélmu amérikaning nigérdiki yéngi bash elchisi katléén fitz gibbon (Kathleen FitzGibbon) ning paytext niaméygha baridighanliqini qeyt qildi.

u bash elchi fitz gibbonning niaméygha bérishining «amérikaning ornida özgirish bolidighanliqidin dérek bermeydighanliqi» eskertti.