liwiyediki ichki toqunushta qaza qilghanlarning sani 27 ge yetti
liwiyening paytexti tiripolida ikki kün dawamlashqan toqunushta 27 kishi qaza qilip, 106 kishi yarilandi.
türkiye awazi radiyosi xewiri: liwiye döletlik birinchi yardem we qollash merkizining bayanatida, liwiye pirézidéntliq kéngishining bashqurushidiki jinayet we térrorluqqa qarshi küresh bölümi «rada» bilen milliy ittipaqliq hökümiti qarmiqidiki «444 -birigada» otturisida yüz bergen toqunushta, 27 kishining jéndin ayrilghanliqi we 106 kishining yarilanghanliqi bildürüldi. toqunushning sewebi toghrisida héchqandaq resmiy bayanat élan qilinmidi.
emma liwiye metbuatlirida «444 - birigada» ning qomandani mehmud hemzaning «rada» teripidin nazaretke élinishining, toqunushning piltisigha ot yaqqanliqi xewer qilinghan idi.
liwiye milliy ittipaqliq hökümiti ikki kün dawamlashqan toqunushtin kéyin, urush toxtitish élan qilinghanliqini jakarlidi. «rada» we «444 - birigada» döletning gherbide mewjut bolup turuwatqan eng küchlük ikki chong xelq eskerliri guruppisi dep qarilidu.