hindonéziye déngizida ikki kündin béri yoqap ketken kishilerdin alte nepiri tépildi
hindonéziyening aché ölkisi déngiz tewelikidiki banyak ariligha yétip bérish üchün ikki yaghach téz süretlik kéme bilen yolgha chiqqan we ikki kündin béri yoqap ketken yette kishidin altisi qutquzuwélindi.
türkiye awazi radiyosi xewiri: hindonéziye yerlik izdesh-qutquzush etritining bashliqi yoqap ketken töt neper awstiraliyelik we ikki neper hindonéziyelikni tapqanliqlirini, kéme xadimidin birsining hazirghiche tépilmighanliqini bildürdi.
bayanatta, hayat qalghanlarning dawalinishi üchün pinang ariligha yötkep kélingenliki bildürüldi.
30 yashliq awstiraliye puqrasi élliot poténing qirghaqqa yétip kéleligenliki, bashqa üch neper awstiraliyelikning bolsa, dolqun téyilish taxtisigha tayinip suda leylewatqan halda tépilghanliqi uqturuldi.
qutquzuwélinghan ikki neper hindonéziyelikning qandaq hayat qalghanliqi hazirche namelum.
yoqap ketken hindonéziyelikni izdesh we qutquzush xizmetliri dawamlashmaqta.
sumatra arilining gherbige texminen 150 kilométir kélidighan niyas shehiridin aché déngizidiki banyak ariligha yétip barmaqchi bolghan awstiraliyelik sayahetchiler we hindonéziyelik paraxot xadimliridin terkib tapqan 17 kishi 13-awghustta ikki yaghach téz süretlik kéme bilen yolgha chiqqan bolup, bir kémidiki awstiraliyelik töt sayahetchi we hindonéziyelik üch paraxot xadimi nachar hawa rayi sewebidin yoqap ketken idi.
