«bosniye-gértségowina-türkiye munasiwetliri kishini heyran qalduridighan derijide yaxshi»
bosniye-gértségowina dölet mudapie ministiri zukan héléz bosniye-gértségowina-türkiye munasiwetlirining kishini heyran qalduridighan derijide yaxshi ikenlikini éytti.
türkiye awazi radiyosi xewiri: bosniye-gértségowina dölet mudapie ministirliqining yazma bayanatigha qarighanda, dölet mudapie ministiri héléz türkiyening sarayéwuda turushluq bash elchisi sadiq babur girgin bilen körüshken.
héléz aldinqi ayda özining xelqara mudapie sanaiti yermenkisi (IDEF'23) üchün türkiyede ziyarette bolghanliqini we türkiyedin razimenlik bilen ayrilghanliqini bayan qilghan.
u bosniye – gértségowina - türkiye munasiwetlirining kishini heyran qalduridighan derijide yaxshi ikenlikini, shimaliy atlantik ehdi teshkilati-natogha eza bolushi yolida türkiyening bosniye – gértségowinani qollishining nahayiti zor ehmiyetke ige ikenlikini qeyt qilghan.
bash elchi girgin bolsa, hélézning türkiyening ilghar mudapie sanaitini körüsh pursitige érishkenlikidin memnun bolghanliqini bildürüp, herbiy, pul-muamile layihelirining emelge ashurulushini öz ichige alghan barliq sahelerde bosniye-gértségowinagha yardem bérishke teyyar ikenliklirini tekitligen.
