rusiye aridin 47 yil ötkendin kéyin aygha alem kémisi ewetti
rusiye 1976- yilidin buyan tunji qétim ay sharigha su menbesi izdesh meqsitide alem kémisi ewetti.
türkiye awazi radiyosi xewiri: rusiye fédératsiye alem qatnishi idarisi — roskosmos, «25-luna» namliq alem kémisini élip mangghan soyuz 2.1v namliq rakétasini paytext moskwaning 5500 kilométir sherqidiki wostochiniy alem kémisi bazisidin qoyup berdi.
muweppeqiyetlik qoyup bérilgen luna-25 namliq alem kémisining orbétasigha kirgenliki, alem kémisining 21-awghust ay sharining jenubiy qutubigha qonushining pilanliniwatqanliqi bildürüldi.
texminen bir yil boyiche ay üstide tetqiqat élip baridighan «25-luna» namliq alem kémisining ayda su menbesini izdesh bilen birge alem nuri we éléktir magénit qoyup bérishning ay yüzige körsitidighan tesiri qatarliqlarnimu tekshüridighanliqi qeyt qilindi.
roskosmos diréktori yuriy borisof «25-luna» namliq alem kémisining ay sharigha tinchliq üchün xizmet qilish meqsitide ewetilgenlikini, özlirining yene 2027, 2028 we 2030-yillirimu ay sharigha alem kémisi ewetishni pilanlawatqanliqlirini tekitlidi.