nigér herbiy hakimiyiti bash elchi kanéning oghlini qolgha aldi
nigérdiki herbiy - siyasiy özgirishni étirap qilmaydighanliqini jakarlighan nigérning parizhda turushluq bash elchisi aychatu bolama kanéning oghli herbiy hakimiyet teripidin qolgha élindi.
türkiye awazi radiyosi xewiri: nigér taratqulirining xewirige qarighanda, bash elchi kanéning oghli idrissa kané négir pochta mulazimet shirkitining bash diréktori bolup, herbiy hakimiyet teripidin chiriklik we hökümet meblighige xiyanet qilish jinayiti bilen eyiblinip qolgha élinghan.
memliketlik wetenni qoghdash kéngishi 3 - awghust bayanat élan qilip, nigérning ebuja, parizh, lom we washingtondiki bash elchilirining ishtin boshitilghanliqini élan qilghanidi.
shuningdin kéyin, nigérning parizhda turushluq bash elchisi kané özining herbiy hakimiyetning qararini étirap qilmaydighanliqini we wezipe öteshni dawamlashturidighanliqini uqturghanidi.
nigérda pirézidént muhemmed bazum 26- iyul pirézidéntliq mehkimisi muhapizetchiler etriti xadimliri teripidin görüge éliwélinghan we shu küni kechte herbiyler hakimiyetni tartiwalghanliqini jakarlighanidi.
pirézidéntliq mehkimisi muhapizetchiler etriti qomandani général abdurahman tichani 28- iyul memliketlik wetenni qoghdash kéngishi namliq herbiy organning rehberlikini üstige élip, ötkünchi hökümetning bashliqi bolghanidi.
مۇناسىۋەتلىك خەۋەرلەر
