milliy istixbarat idarisi süriyede daéshqa zerbe berdi
türkiye jumhuriyiti milliy istixbarat idarisi — MIT süriyening shimalida zerbe bérish herikiti élip bérip, weqe peyda qilishqa teyyarliniwatqan üch daésh térrorchisini qolgha chüshürdi.
türkiye awazi radiyosi xewiri: bixeterlik menbeliridin igilinishiche, daésh térrorluq teshkilati sépide <mesul> derijiside heriket qiliwatqan teshkilat unsurliri, türkiye jumhuriyiti milliy istixbarat idarisi bilen süriye milliy armiyesining tekshürüshliri netijiside bayqalghan.
milliy istixbarat idarisining istixbarat we heriket yardimige érishken süriye milliy armiyesi bixeterlik xadimliri tinchliq buliqi herbiy herikiti rayonida zerbe bérish herikiti élip bérip, weqe peyda qilishqa teyyarliniwatqan daésh ezasi üch térrorchini nurghun partlatquch dora we oq dora bilen birlikte qolgha chüshürgen.
bixeterlik menbeliri milliy istixbarat idarisining süriye we bashqa rayonlardiki térrorluq guruppilirigha qarshi kürishini qetiy irade bilen dawamlashturuwatqanliqini, türkiyening térrorluqqa qarshi turush herikitini daésh, elqaide we p k k qatarliq térrorluq teshkilatlirini perqlendürüp olturmastin élip bériwatqanliqini qeyt qildi.
