jenubiy koréyede qattiq issiq sewebidin qaza qilghanlarning sani 27 ge yetti

türkiye awazi radiyosi xewiri: jenubiy koréye miqyasida pesil ölchemliridin halqip ketken issiq témpératura kündilik turmushqa selbiy tesir körsitishni dawamlashturmaqta.

jenubiy koréyege éghir tesir körsetken we texminen 38 giradusqa örligen témpératura sewebidin jénidin ayrilghanlarning sani 27 ge yetti.

alaqidar mesullar qattiq issiqtin kélip chiqqan késellikler sewebidin doxturxanida yétip dawaliniwatqanlar sanining 2 ming 58 ge yetkenlikini eskertip, doxturxagha körüngen bémarlarning %30.9 ning 65 yash yaki uningdin yuqiri yashtiki chonglar ikenlikini bildürdi.

alaqidar mesullar 9-ayghiche issiq ötüp kétishke munasiwetlik ölümlerning köpiyishidin endishe qilmaqta.

séul hökümitining qattiq issiqqa munasiwetlik agahlandurushining eng yuqiri sewiyediki «éghir» halette dawamlishiwatqanliqi uqturuldi.

jenubiy koréye métérologiye idarisi«issiq hawa dolqunining tesiri dawamlishidu» dep agahlandurush élan qildi.