firansiye nigér herbiy hakimiyitining eyibleshlirini ret qildi

türkiye awazi radiyosi xewiri: firansiye tashqi ishlar ministirliqi nigérdiki herbiy hakimiyetning eyibleshlirini ret qilip bayanat élan qildi.

bayanatta: «nigérdiki herbiy hakimiyet yéngi asassiz eyibleshliri birdek ret qilindi. firansiye eskerliri térrorluqqa qarshi turush üchün qanunluq nigér dairilirining telipige binaen bu döletke orunlashturuldi» déyildi.

bu rayonda uzun yillardin buyan térrorluqqa qarshi küresh qiliwatqan firansiye eskerlirining héchqandaq térrorchilarni qoyup bermigenliki we nigér armiyisige tewe héchqandaq orungha hujum qilmighanliqi tekitlengen bayanatta mundaq déyildi:

«nigér armiyesige nigér hawa boshluqining ishlitilidighanliqi uqturuldi, nigér armiyesi bu telepke yazma testiq berdi.»

nigérda 26-iyul (2023) hakimiyetni tartiwalghan herbiy hökümet, firansiyeni dölet weziyitini muqimsizlashturush bilen eyibligen we nigér hawa tewelikige xilapliq qilghanliqini élan qilghan idi.

wetenni qoghdash milliy kéngishi (CNSP) ning bayanatchisi amadow abdiramané bayanat élan qilip, tillabéri rayonidiki samira nahiyesidiki nigér armiyesining bir ponkitining hujumgha uchrighanliqini, bu hujumning iyun éyida  firansiye qoyup bergen térroristlar teripidin qilinghanliqini bildürgen idi.

bayanatta yene, chad ayrodurumidin uchqan bir firansiye ayropilanining, nigér hawa tewelikige xilapliq qilghanliqi qeyt qilinghan idi.

nigér hawa teweliki 6-awghust (2023) gherbiy afriqa döletliri iqtisadiy birleshmisining hujum qilish éhtimalliqigha qarshi taqalghan idi.