burkina faso firansiye bilen baj kechürüm qilish kélishimini emeldin qaldurdi
burkina faso tashqi ishlar ministirliqi firansiye bilen tüzülgen qosh baj élinishtin saqlinish kélishimi» ning emeldin qaldurulghanliqini bildürdi.
türkiye awazi radiyosi xewiri: burkina faso tashqi ishlar ministirliqi firansiye tashqi ishlar ministirliqigha ewetilgen mektubida, firansiye shirketliri we puqraliri üchün chiqirilghan «qosh baj élinishtin saqlinish kélishimi» ning bikar qilinghanliqini uqturdi.
mektupta, kélishimni bikar qilish ishlirining üch ay ichide ijra qilinidighanliqi eskertildi.
«qosh baj élinishtin saqlinish kélishimi» firansiye bilen burkina faso otturisida 1965-yili imzalanghan bolup, 1967, 1971 we 1974-yilliri kélishimge her xil özgertishler kirgüzülgen idi.
kélishim ramkisida, firansiye shirketliri we puqraliri burkina fasoda qolgha keltürgen kirimining béjini burkina fasogha töleydu. buningdin bashqa, burkina fasoda nurghun bajlar kechürüm qilinidu.
mezkur kélishim, bolupmu burkina fasoda soda bilen shughulliniwatqan firansiyening xelqaraliq shirketliri üchün paydiliq idi. kélishimning bikar qilinishi bilen, firansiyelikler burkina fasoda qolgha keltürgen kirimining béjini bu döletke töleshke mejbur bolidu.
burkina faso 2020- we 2021-yilliri kélishimni qaytidin muzakire qilishni telep qilghan, emma firansiye buninggha jawab bermigen idi.
burkina fasoning uzun yillardin buyan kélishim sewebidin nurghun miqdarda kirim qilishtin mehrum qalghanliqi, kélishimning emeldin qaldurulushi bilen muhim baj kirimige érishidighanliqi qeyt qilinmaqta.
firansiye bir qanche kün ilgiri nigérdiki herbiy özgirishni qollighan burkina fasogha béridighan tereqqiyat we maliye yardemlirini tonglatqan idi.
