пакистанда йолучилар пойизи релистин чиқип кетип, 28 киши қаза қилди
пакистанниң навабшаһ шәһири әтрапида бир йолучилар пойизи релистин чиқип кетип, 28 киши қаза қилди вә 50 киши йариланди.
түркийә авази радйоси хәвири: пакистан төмүр йол министири хаваҗа саад рафиқ карачидин равалпиндиға қарап йолға чиққан һазара тез пойизиниң 10 вагониниң навабшаһ әтрапида релистин чиқип кәткәнликини елан қилди.
рафиқ бу һадисиниң «техникилиқ кашила» йаки «бузғунчилиқ» нәтиҗисидә йүз бәргән болуши мумкинликини билдүрүп, 28 җәсәт вә 50 йариланған кишиниң навабшаһ шундақла сангар райони әтраптики дохтурханиларға йәткүзүлгәнликини уқтурди.
армийә вә йерим һәрбий қисимлар издәш вә қутқузуш хизмити үчүн нәқ мәйданға чақирилди.
вәқә җәрйанида, пойизда қанчә кишиниң барлиқи тоғрисида һечқандақ мәлумат берилмиди. әмма йәрлик мәтбуатлар нурғун кишиләрниң һазирму вагонларда қапселип қалғанлиқини вә қаза қилғанлар саниниң ешиши мумкинликини хәвәр қилди.
пакистанда 2021-йили ийун ейидиму, икки пойиз соқушуп кетип, 63 йолучи қаза қилған иди.
