xitayda yéqinqi 140 yildin buyan körülüp baqmighan eng shiddetlik yamghur bashlandi
xitaydiki shiddetlik yamghur we kelkün apetliride 10 kishi qaza qilip, 18 kishi yoqap ketti.
türkiye awazi radyosi xewiri: xitayning xébiy ölkiside shiddetlik yamghur keltürüp chiqarghan kelkünde 10 kishi qaza qilip, 18 kishi yoqap ketti.
xébiy ölkisige qarashliq bawding shehiri shiddetlik yamghurning éghir tesirige uchridi.
mesullar shiddetlik yamghur keltürüp chiqarghan kelkünde 10 kishining qaza qilghanliqini hemde sheherning ul-esliheliri éghir ziyangha uchrighandin bashqa yene, 18 kishining yoqap ketkenlikini élan qildi.
texminen 600 ming kishining xeter astida qalghanliqi, rayonda tarqaqlashturush xizmitining bashlanghanliqi bildürüldi.
kelkün sulirini tazilash tirishchanliqi dawamlashmaqta.
xitayda teyféng borinining tesiride bashlanghan bu qétimqi shiddetlik yamghurning yéqinqi 140 yildin buyanqi eng shiddetlik yamghur ikenliki élan qilindi.
xitay hawarayi idarisi «géologiyelik xeterler» toghrisida xelqni agahlandurup, qizil renglik agahlandurush élan qildi.
