duda: rusiyening wagnérning paaliyetlirini kontrol qilidighanliqidin qilchilikmu gumanlanmaymen
polsha pirézidénti andrézjé duda rusiye bixeterlik shirkiti wagnérni bir «xususiy yallanma eskerler guruppisi» dep qarimaydighanliqini otturigha qoydi.
türkiye awazi radiyosi xewiri: polsha pirézidénti andréjé duda rusiye bixeterlik shirkiti wagnérni bir «xususiy yallanma eskerler guruppisi» dep qarimaydighanliqini eskertip: «emeliyette, men wagnér élip barghan paaliyetlerning rusiye dairiliri teripidin kontrol qilinidighanliqidin qilchilikmu gumanlanmaymen» dédi.
polshaning shimaligha jaylashqan port shehiri gdinyadiki déngiz armiyesi meshghulat merkizini ziyaret qilghan duda, rayondiki eng yéngi özgirishler toghrisida toxtaldi؛ u özining rusiyening baltiq déngizida élip barghan manéwiridin xewerdar ikenlikini we bu manéwirning 30 ayropilan, 30 paraxot we 6000 rusiye eskirining ishtirak qilishi arqisida élip bérilghanliqini bildürdi.
baltiq déngizi weziyitining üzlüksiz közitiliwatqanliqini tekitligen duda: «biz buni ukrainada dawamlishiwatqan urush (2022- yili 2- ayning 24-künidin buyan), rusiyening ukrainadiki tajawuzchiliqi we moskwaning sherqiy chégrasidiki paaliyetliri bilen éniqla munasiwetleshtürimiz» dédi.
u özlirining wagnérning bélarusiyediki mewjutluqidinmu xewerdar ikenlikini, emma wagnérni «xususiy yallanma eskerler guruhi» dep qarimaydighanliqini tilgha élip: «biz ularni toluq menidiki bir xususiy qoshun dep qarimaymiz. emeliyette, men wagnér élip barghan paaliyetlerning rusiye dairiliri teripidin kontrol qilinidighanliqidin qilchilikmu gumanlanmaymen» dégenlerni qeyt qildi.
مۇناسىۋەتلىك خەۋەرلەر
