nigér firansiye bilen munasiwetlirini üzdi

türkiye awazi radiyosi xewiri: nigér herbiy hökümiti firansiye bilen imzalanghan barliq herbiy hemkarliq we kélishimlerning bikar qilinghanliqini jakarlidi.

nigérning parizh, abuja (nigériye paytexti) we washingtondiki elchixanilirining xizmetlirini toxtatqanliqi uqturuldi.

nigér herbiy hökümiti bayanatida, gherbiy afriqa döletliri iqtisadiy birleshmisi (ECOWAS) ge tehdit salghan halda, nigérgha qarshi herbiy heriket bashlanghan teqdirde eza döletlerning birige tuyuqsiz hujum qilidighanliqini eskertti.

nigérda «24-frans» qanili we «firansiye radiyosi» ning anglitishliri toxtitildi. firansiye tashqi ishlar ministirliqi nigérdiki herbiy hökümetning bu qanallarni chekligenlikini eyiblidi.

nigér pirézidénti muhemmed bazum «washington pochtisi géziti» de maqale élan qilip, xelqaraliq jemiyetler we amérikadin yardem telep qildi.

u maqaliside, dölitidiki herbiy kzgirishning dunya üchün yaman aqiwetlerni peyda qilidighanliqini tekitlidi.

gherbiy afriqa döletliri iqtisadiy birleshmisige eza döletler armiye  qomandanliq ishtabi bashliqliri nigériye paytexti abujada birleshme bayanat élan qilip, nigérda démokratiyening qaytidin ornitilishida qetiy qarargha ige ikenliklirini tekitlidi.