xébiy ölkiside 1.2 milyon kishi tarqaqlashturuldi

türkiye awazi radiyosi xewiri: xitayning xébiy ölkiside apet rayonlirida yashaydighan 850 ming kishini qoshqanda, jemiy 1.2 milyon kishi bixeter jaylargha tarqaqlashturuldi.

xébiy jiddiy ehwallargha taqabil turush idarisi béyjing bilen tyenjénge bolghan bésimni azaytish üchün 1.8 milyar kubmétir suning su toplash merkezlirige aqquzulghanliqini élan qildi.

xitayda 1997-yili chiqirilghan sel kontrol qilish qanuni boyiche tesis qilinghan dölet miqyasidiki 98 su yighish kölining 13 i xébiy ölkiside.

sériq derya (xuangxé) ning nurghun tarmaqliri xébiy ölkiside birlishidu. su yighish nuqtilirining etraplirida nahiye, yéza we bazarlar jaylashqan bolup, nurghunliri su astida qaldi.

mutexessisler, shiddetlik höl-yighin azayghan bolsimu, yighilghan kelkün sulirini tartish ishlirining bir ayghiche dawamlishidighanliqini bildürmekte.

béyjing we etrapi yéqinqi bir heptide 140 yildin buyanqi shiddetlik höl-yighingha duch keldi. yüz bergen kelkün apitide béyjingda 11, xébiyda toqquz kishi jénidin ayrildi.