ispaniyede su qisliqi sewebidin jiddiy halet élan qilindi
ispaniyening kataloniye rayonidiki 24 yézada qurghaqchiliqning küchiyishi sewebidin jiddiy halet élan qilindi.
türkiye awazi radiyosi xewiri: ispaniyede jiddiy halet dairiside, déhqanchiliqta ishlitilidighan suning %80 we sanaette ishlitiidighan süning %25 azaytilidighanliqi, su üzüsh kölcheklirini toldurushtin bashqa yene, baghchilarni sughirishningmu cheklinidighanliqi bildürüldi.
kataloniye su ishliri idarisi mudiri samuél réyés jiddiy halet dairisde yolgha qoyulghan cheklimilerning déhqanchiliq we sanaette ishlitilidighan su üchünmu yolgha qoyilidighanliqini, emma ichidighan sugha tesir körsetmeydighanliqini éytti.
su ishliri idarisining bayanatida, kataloniyediki omumiy nopusi 26 minggha yétidighan 24 yézigha éghir tesir körsitidighan tedbirlerning kéler heptidin bashlap ijra qilinidighanliqi bildürüldi.
cheklime qoyulidighan yézilarda kishi béshigha toghra kélidighan su miqdari künige 230 létirdin 200 létirgha chüshürülidu.