iran talibanning suni tizginlesh siyasiti yürgüzüwatqanliqini ilgiri sürdi
iran muhit asrash idarisi bashliqi eli selajeqe afghanistandiki taliban hökümitining irangha qoyup bérishi kérek bolghan 850 milyon litir suning hazirghiche nahayiti az bir qisminila qoyup bergenlikini bildürdi.
türkiye awazi radiyosi xewiri: iran oqughuchilar xewer agéntliqi — isna, selajeqening ichki kabinét yighinidin kéyin élan qilghan bayanatida, taliban hökümitini iranning su hoquqidin toluq paydilinishigha tosqunluq qilish bilen eyiblep: «gerche afghanistanni bashquruwatqanlar herirud su qoyup bérish kélishimini qobul qilidighanliqi toghrisida éghiz échiwatqan bolsimu, emeliyette 850 milyon litir suning ornigha peqet 15 milyon litir su qoyup bérildi dégenlikini xewer qildi.
xewerde körsitilishiche, bu mesile toghrisida yighin échish chaqiriqlirining jawabsiz qéliwatqanliqigha isharet qilghan selajeqe, afghanistandiki tosmilarning su birikish nisbitining yaxshi sewiyede ikenlikini ilgiri sürgen.
u, taliban hökümitining irangha kamal xan tosmisi we herirud deryasidin su qoyup bérishini kütüwatqanliqlirini sözlirige ilawe qilghan.
