ئامېرىكا كونگرەسىگە قوراللىق ھۇجۇم قىلىنىدىغانلىقى توغرىسىدىكى يالغان ئۇچۇر جىددىيچىلىك پەيدا قىلدى

تۈركىيە ئاۋازى رادىيوسى خەۋىرى: قوراللىق ھۇجۇمچى بارلىقى توغرىسىدىكى مەلۇم قىلىش ئۇچۇرىدىن كېيىن، كونگرە (دۆلەت مەجلىسى) بىناسىغا تۇتىشىدىغان يوللار تاقالدى. كونگرە ساقچىلىرى پالاتا ئىشخانا بىنالىرىنىڭ كىرىش – چىقىشلىرىنى ئاختۇردى. رايوننىڭ بىخەتەرلىك دەرىجىسى ۋە ساقچىلارنىڭ سانى ئاشۇرۇلدى. كېڭەش پالاتاسى ئىشخانىسى جايلاشقان بىنا تارقاقلاشتۇرۇلدى.

كونگرە ساقچىلىرى تەكشۈرۈشلەردىن كېيىن بايانات ئېلان قىلىپ، ھېچقانداق قوراللىق ھۇجۇمچى ياكى يارىلانغۇچى بايقالمىغانلىقىنى، مەلۇم قىلىش ئۇچۇرىنىڭ ئاساسسىز ئىكەنلىكىنى ئېلان قىلدى.