duda «rusiye tesirini tekshürüsh» qanunigha özgertish kirgüzüsh teklipini testiqlidi
polsha pirézidénti andrzéj duda rusiyening polsha hökümetlirige tesir körsitiwatqanliqi toghrisidiki eyibleshlerni tekshürüsh mexsus komitéti qurushni mezmun qilghan qanungha tüzitish kirgüzüsh layihesini testiqlidi.
türkiye awazi radiyosi xewiri: rusiyening 2007- yilidin 2022- yilighiche bolghan jeryanda polshaning ichki bixeterlikige arilishishini tekshürüsh üchün dölet komitéti qurushni mezmun qilghan qanun 31- maydin bashlap yolgha qoyulghanidi.
mezkur qanungha asasen, tekshürüsh komitéti teripidin rusiyening tesiri astida heriket qiliwatqanliqi bayqalghan siyasiyonlarning ammiwi xizmetler bilen shughullinishini chekleshke bolatti.
qanun polshada öktichiler rehbiri donald tusk bu yil küzde ötküzülidighan parlamént saylimigha qatnishishning aldini élishning bahanisi dep qaralghan we öktichilerning qattiq tenqidige uchrighanidi.
pirézidént duda dölet ichki we xelqaraning bu qanun toghrisidiki tenqidlirige qarita, 2 – iyun komitét qurush qanunigha tüzitish kirgüzüshni otturigha qoyup, yéngi tekshürüsh orginining parlamént ezalirini öz ichige almasliqi we qanunning eng köp talash- tartish qozghighan <ammiwi xizmetler bilen shughullinishtin cheklesh> qismining qayturuwélinishi kéreklikini éytqanidi.
andrzéj duda rusiyening polsha hökümetlirige tesir körsitiwatqanliqi toghrisidiki eyibleshlerni tekshürüsh mexsus komitéti qurushni mezmun qilghan qanungha tüzitish kirgüzüsh layihesini tünügün testiqlidi.
polsha parlaméntining töwen palatasi séjm kéngesh palatasining qarshi turushigha qarimay, 28- iyul 214 ke qarshi 235 bélet bilen qanun layihesini testiqlighanidi.
