engliye daéshning yezidilerge qilghan qizghinchiliqini «irqiy qirghinchiliq» dep qobul qildi
engliye hökümiti térrorluq teshkilati daéshning 2014-yili yezidilerge qarshi sadir qilghan jinayitini «irqiy qirghinchiliq» dep qobul qilghanliqini élan qildi.
türkiye awazi radiyosi xewiri: engliye tashqi ishlar wazaritining bayanatigha asaslanghanda, ottura sherqqe mesul dölet ishliri weziri lord ehmed, yezidiler tartqan azab-oqubetlerning «irqiy qirghinchiliq» dep qobul qilinghanliqini bildürgen.
weqe yüz berginige toqquz yil bolghanliqi eskertilgen bayanatta, lord ehmed yene mundaq dégen:
«adalet we jawabkarliq, hayati weyran bolghanlargha nisbeten bir achquch. bügün biz yezidi xelqige qilinghan irqiy qirghinchiliq heriketlirini qobul qilip, tarixiy ehmiyetke ige bir ishni qilduq. bu iradimiz peqet ularning tölemge we adaletke érishishige kapaletlik qilish wedimizni kücheytidu.»
lord ehmed engliyening térrorluqqa qarshi kürishining dawamlishidighanliqini éytti.
bayanatta, gérmaniyening 2014-yili 1-ayda yüz bergen ishlarni «irqiy qirghinchiliq» dep qobul qilghanliqini eskertip, engliyening iraqta hayat qalghan yezidilerge qaritilghan qanunning toluq ijra qilinishini qollaydighanliqi bildürüldi.
iraqning paytexti baghdadta ötküzülidighan xatirilesh murasimida, engliyening iraqta turushluq bash elchisi stifén xitchénning engliyening «irqiy qirghinchiliq» dep étirap qilidighanliqini jakarlaydighanliqi uqturüldi.
birleshken döletler teshkilati-b d t ning doklatida, daéshning iraq we süriyening shimalida minglighan yezidilerni öltürgenliki, yene minglighan kishilerni tutqun qilghanliqi we ularni qul süpitide ishletkenliki orun alghan idi.
