polshagha kirgen ukrainaliqlar sani 14 milyondin, chiqip ketkenler 12 milyondin ashti
1- awghust (2023) qiche bolghan jeryanda ukrainadin polshagha kelgenler sanining 14 milyon 182 minggha yetkenliki, polshadin chiqip ketkenler sanining 12 milyondin éship ketkenliki bildürüldi.
türkiye awazi radiyosi xewiri: polsha chégra muhapizet etriti ijtimaiy taratqudiki adrésida uchur hembehrilep, ukraina- rusiye urushi bashlanghan (2022-yili 2-ayning 24-küni) din buyan zor türkümde ukrainaliqning polshagha kelgenlikini eskertti.
peqet tünügün (1-awghust) bir kündila 30 ming 800 ukrainaliqning polshagha kelgenlikige iisharet qilinghan bayanatta: «urush bashlanghandin buyan, ukrainadin polshagha kelgenlerning sani 14 milyon 182 minggha yetti» dégen ibarilerge orun bérildi.
bayanatta, polsha chégrasidin ayrilghan ukrainaliqlar omumiy sanining 12 milyon 399 ming ikenliki qeyt qilindi.
polsha dairilirining bayanatlirigha qarighanda, nöwette texminen 2 milyon ukrainaliq bu dölette yashimaqta iken.
chégradin ötüwatqan we qaytiwatqanlarning oxshash kishiler ikenlikini bildürgen hökümet emeldarliri, özlirining adem sanini emes, ötüsh sanini kontrol qiliwatqanliqini eskertmekte.
