polsha bélarusiye chégrasidiki esker sanini köpeytidighan boldi
polsha bélarusiye chégrasidiki esker sanini köpeytip, rayongha herbiy tik uchar qatarliq qoshumche küchlerni orunlashturidighan boldi.
türkiye awazi radiyosi xewiri: polsha dölet mudapie ministirliqining yazma bayanatida, yuqiri derijilik herbiy emeldarlarning chégra qoshnisi bélarusiyege munasiwetlik uchrishish ötküzgenliki bildürüldi.
bayanatta, tünügün (31-iyul) chégragha yéqin jaylarda bélarusiyege tewe ikki tik ucharning polsha hawa tewelikige xilapliq qilghanliqi eskertilip, «bélarusiye terep ilgiri polsha terepke meshiq toghrisida xewer bergen idi. chégradin ötüsh bolsa, bialowiza rayonidiki radar sistémisi bayqiyalmaydighan shekilde intayin töwendin uchush bilen emelge ashuruldi» déyildi.
bayanatta, shimaliy atlantik ehdi teshkilati-natogha bu heqte melumat bérilgenliki uqturuldi.
bayanatta, «dölet mudapie ministiri mariyus bilaszak chégradiki esker sanini köpeytish we rayongha tik uchar qatarliq qoshumche herbiy qisimlarni orunlashturushqa buyruq chüshürdi» déyildi, hemde bélarusiyening wakaletxanilirini bu weqege éniqlima bérishi üchün polsha tashqi ishlar ministirliqigha chaqiritish qarari élinghanliqi bildürüldi.
