iranda qattiq issiq sewebidin ikki künlük dem élish élan qilindi

türkiye awazi radyosi xewiri: iran hökümitining bayanatchisi eli bahadori jehromi twittér adrésida bayanat élan qilip: «bu künlerde körülüp baqmighan issiq sewebidin puqralarning salametlikini qoghdashni közde tutup, sehiye ministirliqi teripidin sunulghan charshenbe we peyshenbe künliri pütkül memliket miqyasida dem élish élan qilish teklipi, ministirlar kéngishide qobul qilindi» dédi.

yéqinqi bir nechche heptidin buyan körülgen qattiq issiq irangha éghir tesir körsetken bolup, ete (2-awghust) iranning gherbiy jenubidiki bezi sheherlerde hawa témpératurasining 51 giradusqa yétidighanliqi mölcherlenmekte.

paytext téhrandimu témpératuraning 40 giradusqa chiqishi mölcherlenmekte.

iran sehiye ministiri behram eynullahi hökümetke hawa témpératurasi 40 giradustin éship ketken rayonlarda dem élish élan qilish teklipi sunghan idi.