béyjingda shiddetlik yamghur 11 xitayning jénigha zamin boldi we 27 kishi yoqap ketti

türkiye awazi radyosi xewiri: «xitay kündilik géziti» ning xewirige asaslanghanda, shiddetlik yamghur béyjingning nurghun jaylirida xelq turmushigha éghir tesir körsetmekte iken.

béyjing sheherlik hökümiti teripidin élan qilinghan bayanatta, paytextning oxshimighan jaylirida izdesh we qutquzush paaliyetlirige qatnashqan ikki kishini qoshqanda 11 kishining qaza qilghanliqi we 27 kishining yoqap ketkenliki bildürüldi.

yoqap ketken 27 kishidin töt nepirining fangshendiki bir yézida izdesh-qutquzush xizmiti élip bériwatqan «kök asman» namliq qutquzush etritining ezaliri ikenliki, qalghan kishilerning kimlikini éniqlash xizmetlirining dawamlishiwatqanliqi bildürüldi.

béyjingning 13 rayonida 44 ming 673 kishining shiddetlik yamghurning éghir tesirge uchrighanliqi we béjingdin 127 ming kishining bixeter jaylargha tarqaqlashturulghanliqi uqturuldi.