firansiyede bir musulman yashning qehrimanliqi hemmining alqishigha érishti
firansiyede izziddin hemdi isimlik bir musulman yash ot apiti yüz bergen bir binada qapsilip qalghan bir bowaqnimu qoshqanda jemiy 17 kishini qutulduriwaldi.
türkiye awazi radyosi xewiri: firansiyening romans-sur-iséré shehiride ikki qewetlik bir binaning üstünki qewitide ot apiti yüz berdi.
ot apiti jeryanida bina etrapida nawayliq qilidighan izziddin hemdi isimlik musulman yash binagha qapsilip qalghan bir bowaqnimu qoshqanda jemiy 17 kishini qutulduriwaldi.
ot yalqunigha qarimastin, pelempey bilen kirip qapsilip qalghan kishilerni dérize arqiliq sirtqa chiqarghan musulman yash etraptiki kishiler we ijtimaiy taratqularning qizghin alqishigha érishti.
twittér abontliri izziddin hemdining qehrimanliqi üchün sherep médali bérish kérekliki toghrisida nurghun yazmilarni hembehirlidi.
musulman yashning binadin kelgen warqirashlargha süküt qilmighanliqi, ot yalqunigha pisentmu qilmastin hayatini alqinigha élip qoyup, qutquzush xizmitini bashlighanliqi bildürülmekte.
ot öchürgüchilerdin birsi bolghan baptisté déwis neq meydangha barghinida 5 - 6 métir égizliktiki ot yalqunigha duch kelgenlikini we otning hemmila yerni qaplap bolghanliqini éytti.
