tunistiki orman ot apitini öchürüsh xizmetliri dawamlashmaqta

türkiye awazi radiyosi xewiri: tunis xelq mudapie idarisining bayanatchisi muaz teriya memliket miqyasida dawamlishiwatqan orman ot apiti heqqide yazma bayanat élan qildi.

muaz teriya orman ot apitini öchürüshke tirishiwatqanliqini bildürüp: «silyana wilayitige qarashliq hammam beyda téghidiki orman ot apiti küchlük shamal sewebidin beja wilayitige qarashliq tibar rayonidiki orman rayonighiche kéngeydi. buningdin bashqa yene, gabés wilayitidiki shenene rayonidimu bir qatar kichik orman ot apiti dawamlashmaqta. binzért shehirige jaylashqan jebel ghazalediki orman ot apitimu dawamlashmaqta» dédi.

muaz teriya jenduba wilayitige qarashliq tabarka shehiridiki malula ormanliqida 13-iyulda chiqqan otni öchürüsh üchün tirishchanliqlarning dawamliiwatqanliqini eskertip, küchlük shamalning xizmetlerni qiyinlashturuwatqanliqini tekitlidi.

ot apitining tesirige uchrighan 170 kishi rayonluq doxturxanilarda balnéstqa élindi.

tunis dairilirining bayanatigha asaslanghanda, malula ormanliqidiki ot apitide 450 géktar yer ziyangha uchrighan.